VII. Etxera Trail ospatu dugu aurtengoan.
Giro ederrean hasi dugu eguna, 1.550 lagun elkartu gara goizean goiz eguraldia lagun. Euskal Preso, Iheslari eta Deportatuak etxeratzearen aldeko aldarria haizea bezain indartsu zabaldu dugu!
Goiz erdian euria eta txingorra ere izan ditugu, baina horrek ez du elkartasun uholde hau gelditu!
Mila esker bolondres lanetan ibili zareten guztioi. Mila esker gaurko egunean Gernikara hurbildu zareten guztioi! Zuek gabe hau ez zen posible izango.
Aurten, aipu berezia egin diogu hasiera ekitaldian Harrera elkarteari; 5.000 bazkide baietz! Jar dezagun guk ere gure aletxoa Euskal Presoek etxeratzea maitasun eta duintasunez egin dezaten. Egin bazkide!
Urtero lez, gure nahia Azken Etxera Trail izatea da. Baina gure herrikideek erbestean edo kartzelan jarraitzen duten bitartean, borrokan, lanean jarraituko dugu: den denak etxean aske izan arte!
Askatasun urratsak zapatiletan…
Euskal Preso, Iheslari eta Deportatu Politikoak ETXERA!
