Etxera Traileko materiala salgai!
2017an hasitako ibilbidea da gurea. Aldarrikapena eta kirola uztartu nahian antolatu genuen I. Etxera Trail, eta ordutik gure helburua, ahalik eta herritar gehien, Euskal preso, iheslari eta errefuxiatu politikoen auzian inplikatzea, konprometitzea eta aktibo bilakatzea izan da.
Aurten ordea, egoerak behartuta, ezinezkoa izango da Euskal Preso eta Iheslarien aldeko martxa antolatzea.
Hala ere, aldarrikapena Euskal Herriko txoko guztietara zabaldu gura dugu oraingoan ere, eta horregatik material sorta berria atera dugu. Abestiak dioen bezala: “…askatasun urratsak zapatiletan, pausoa da bidea, irten bidera, irtenbidera!” Jantzi gaitezan aldarrikapenez, eta gure txikitik Euskal Herriko kale eta mendiak aldarriz bete ditzagun! Etxean nahi ditugulako denak eta orain!
