Bilboko kaleak bete ditugu!
Iragan den Larunbatean, ia 100.000 lagun bildu ziren Bilboko kaleetan, Euskal preso politikoen eskubideen aldeko aldarrikapenarekin, Sare plataforma herritarrak antolaturiko manifestazio nazionalean,. Aurten, “Prest gaude” lelopean, euskal jendarteak berriz ere, argi erakutsi du, euskal preso politikoen oinarrizko giza eskubideak betzearen, eta Euskal herrian konponbide demokratikoa eta bakea lortzearen aldeko borondatea irmoa dela. Horretarako, beharrezkoa delarik, euskal preso politiko guztien askatasuna.
Euskal gizartearen lana, ari da pixkanaka, bere lehen fruituak ematen. Larunbat honetan, Paris aldetik, ofizialki jakin dugu, Frantziar espetxeetan dauden euskal presoak, euskal herritik hurbilen dauden Frantziar espetxeetara hurbilduko direla. Giza eskubideen aldeko lehen urratsak ematen ari dira, baina oraindik bide luzea dago askatasuneraino.
Estatu espainiarreko kartzeletan, 200 presotik gora daude penintsula osotik sakabanatuta. Euskal herrian konponbide demokratiko eta bakerako ekin zaion bideari, estatu espainiarrak inmobilismo eta blokeoarekin eratzuten dio. Hori dela eta, Sarek, frantziar estatuan bake artisauek egindako bideari jarraitasuna emanez, eta espainiaren jarrera antidemokratikoa aldatze aldera, Urrian manifestazioa deitu du Madrilen.
